Céard iad na haicmí ÁSPC?


Print page

Tá 11 aicme éagsúil ÁSPC, a roinntear faoi chúig cheannteideal seo a leanas:

  • Fostaithe san earnáil phríobháideach agus seirbhísigh phoiblí áirithe (Aicme A, E agus J).
  • Seirbhísigh phoiblí áirithe (Aicme B, C D agus H).
  • Daoine féinfhostaithe, ar a n-áirítear scairshealbhóirí comhlachta a smachtaíonn breis agus 50% de scaireanna (Aicme S). Baineann Aicme S agus P le scair-iascairí áirithe féinfhostaithe.
  • Daoine nach n-íocann aon ÁSPC (Aicme M).
  • Sealbhóirí Áirithe Oifige Phoiblí (Aicme K).
  • Anseo a leanas tá gearrchuntas ar na daoine atá cumhdaithe faoi gach ceann ar leith de na príomhaicmí ranníocaíochta ÁSPC.

     

    Aicme A

    Fostaithe i bhfostaíocht thionsclaíoch,
    tráchtála agus seirbhíse a bhfuil tuilleamh
    comhlán de €38 nó níos mó in aghaidh na
    seachtaine acu ó gach fostaíocht;
    státseirbhísigh agus seirbhísigh phoiblí
    a earcaíodh ó 6 Aibreán 1995 agus oibrithe
    Fostaíochta Pobail ó 6 Aibreán 1996.

    Aicme B

    Státseirbhísigh bhuana agus inphinsin,
    dochtúirí agus fiaclóirí cláraithe atá
    fostaithe sa Státseirbhís agus Gardaí,
    a earcaíodh roimh 6 Aibreán 1995.

    Aicme C

    Oifigigh choimisiúnaithe Óglaigh na
    hÉireann agus baill Sheirbhís Altranais an
    Airm, a earcaíodh roimh 6 Aibreán 1995.

    Aicme D

    Fostaithe buana agus inphinsin sa tseirbhís
    phoiblí, seachas iad sin atá luaite in Aicmí B
    agus C, a earcaíodh roimh 6 Aibreán 1995.

    Aicme E

    Ministir chreidimh fostaithe ag Comhlacht
    Ionadaíoch Eaglais na hÉireann.

    Aicme H

    Oifigigh Neamhchoimisiúnaithe agus
    pearsanra liostáilte de na Fórsaí Cosanta.

    Aicme J

    • Fostaithe i bhfostaíocht thionsclaíoch, tráchtála
    agus seirbhíse le tuilleamh comhlán atá níos lú ná
    €38 in aghaidh na seachtaine ó gach fostaíocht;

    • Árachaithe le haghaidh Sochair Díobhálacha
    Ceirde amháin, mar shampla fostaithe atá os cionn
    na haoise inphinsin.

    • Daoine atá páirteach i scéimeanna oiliúna áirithe
    ag Solas, atá inárachais le haghaidh Sochair
    Díobhálacha Ceirde amháin.

    • Daoine atá i bhfostaíocht mhionchineálach, mar
    shampla daoine atá inárachais ag Aicme B, C nó H
    sa phríomhfhostaíocht acu agus go bhfuil an dara
    post acu.

    • Freastalaithe ag scrúduithe na Roinne Oideachais
    agus Scileanna.

    • Oifigigh cheannais agus cléirigh vótaíochta ag
    toghcháin agus baill de na hÓglaigh Chúltaca ar
    oiliúint bhliantúil.

    Aicme K

    • Sealbhóirí Áirithe Oifige Phoiblí (An tUachtarán,
    sealbhóir oifige 'cháilithigh', baill an Oireachtais,
    na breithiúna, breithiúna áirithe míleata, An tArd-
    Aighne, An tArd-Reachtaire Cuntas agus Ciste, baill údaráis áitiúil agus baill áirithe de Pharlaimint na hEorpa), a thuilleann níos mó ná €5,200 in aghaidh na bliana. Íocann na sealbhóirí oifige phoiblí seo ÁSPC ar ráta 4% ar a n-ioncam uile.

    • Tá dliteanas nialasach ag duine ar bith de na
    sealbhóirí áirithe oifige phoiblí seo a thuilleann
    €5,200 in aghaidh na bliana nó níos lú (€100 in
    aghaidh na seachtaine nó níos lú) - féach Aicme M.

    • Ó 1 Eanáir 2013 amach, baineann Aicme K freisin leis an ioncam féinfhostaithe tuillte breise ó cheard nó ó ghairm ag ranníocóir ar ráta modhnaithe agus le hioncam neamhthuillte ar bith atá acu.

    • Ó 1 Eanáir 2014 amach, féadfaidh ranníocóirí
    fostaithe agus pinsinéirí gairme in aois faoi bhun
    66 bliana, agus gur ioncam neamthuillte an t-aon
    ioncam breise atá acu, a bheith dlite um
    ranníocaíochtaí ÁSPC ar an ioncam seo.

     

    Aicme M

    Daoine nach bhfuil dliteanas ranníocaíochta ar bith
    acu, mar shampla:

    • Fostaithe faoi 16 bliain d'aois.

    • Daoine in aois os cionn na haoise inphinsin (ar a
    n-áirítear iad san a bhí dlite cheana um Aicme S).

    • Daoine a fhaigheann pinsin ghairme nó íocaíochtaí cnapshuime um fhoirceannadh.

    • Daoine faoi Aicme K le dliteanas nialasach
    (sealbhóirí oifige phoiblí le hioncam seachtainiúil
    níos lú ná €100 in aghaidh na seachtaine).

    Aicme P

    • Daoine féinfhostaithe gur ó scairiascaireacht
    a bpríomhioncam.

    Aicme S

    • Daoine féinfhostaithe, mar shampla, feirmeoirí, stiúrthóirí áirithe comhlachta, trádálaithe aonair agus daoine áirithe le hioncam ó infheistíochtaí, cíosanna agus cothabháil, sa chás gur €5,000 nó níos mó in aghaidh na bliana an t-ioncam ó gach foinse.

     

    Féadfaidh daoine nach bhfuil cumhdaithe faoi ÁSPC éigeantach clárú mar Ranníocóirí Saorálacha a roghnú ach coinníollacha áirithe a shásamh.

    Um breis eolais faoi ÁSPC Saorálach, féach le do thoil www.welfare.ie nó déan teagmháil le:

    Rannóg Ranníocaíochtaí Deonacha
    An Oifig Seirbhísí Leasa Shóisialaigh
    An Roinn Coimirce Sóisialaí
    Port Láirge

    Íosghlao: 1890 690 690 (ó Phoblacht na hÉireann amháin), nó +353 147 15898 (ó Thuaisceart Éireann nó ón iasacht).

    Léirítear sa tábla ar leathanach 4 achoimre ar na príomhshochair agus pinsin a sholáthraítear in aghaidh gach aicme ranníocaíochta.

     

Last modified:22/09/2014
 

 Foirmeacha Iarratais

 
 

 Íoslódáilí