Níl an leathanach seo ar fáil as Gaeilge fós


Print page

 

  1. Clár Ábhair
    Cur síos ar an Scéim
    Coinníollacha Cáilitheacha
    Ioncam Inmheasúnaithe
    Catagóirí Speisialta
    Dícháiliú
    Struchtúr na Rátaí
    Iarscríbhinn: ÍOCAÍOCHTAÍ CÁILITHEACHA:
    Íocaíochtaí Árachais Shóisialaigh
    Íocaíochtaí Cúnaimh Shóisialaigh
    Íocaíochtaí Eile

     
    CUID 1: TEIDLÍOCHT
    Cur síos ar an Scéim
    Is éard is an Liúntas Éadaí agus Coisbhirt don Scoilbhliain Nua (BSCFA) ná scéim neamhreachtúil lena gcuirtear íocaíocht aonuaire ar fáil do theaghlaigh atá incháilithe leis chun cuidiú leo íoc as na costais bhreise a bhíonn ann gach uile bhliain san fhómhar nuair a théann na leanaí ar ais ar scoil. Bíonn feidhm ag an scéim ón 1 Meitheamh 2019 go dtí an 30 Meán Fómhair 2019.
    Coinníollacha Cáilitheacha
    a.     Íoctar an liúntas i ndáil le leanaí incháilithe atá idir 4 agus 17 bliana d’aois faoin 30 Meán Fómhair agus i ndáil le leanaí incháilithe atá idir 18 agus 22 bhliain d'aois faoin 30 Meán Fómhair más ag filleadh ar an oideachas dara leibhéal lánaimseartha atá siad. (féadfar go n-iarrfar ar leanaí 18 mbliana d'aois nó níos sine ar fhianaise go bhfuil siad ag filleadh ar an oideachas dara leibhéal );
    b.    Ní mór méadú ar leanbh cáilithe (MLC) a íoc leis an iarratasóir i leith an linbh a bhfuil an liúntas á éileamh ina leith.
    c.     ní mór don iarratasóir a bheith ag fáil íocaíocht cháilitheach, de réir mar atá liostaithe in Iarscríbhinn A;
    d.    caithfidh an t-ioncam inmheasúnaithe don teaghlach a bheith laistigh de theorainn ioncaim socraithe. (Féach Teorainneacha Ioncaim thíos)
    e.     ní mór don iarratasóir a bheith ina ghnáthchónaí sa Stát
    f. mór don leanbh/do na leanaí a bheith ina ghnáthchónaí sa Stát
    Ioncam Inmheasúnaithe
    Tá ioncam teaghlaigh inmheasúnaithe de réir na dtreoirlínte maidir le hacmhainní atá leagtha amach faoi Thástáil Acmhainne le haghaidh SWA. Seo a leanas roinnt eisceachtaí do na rialacha seo chun críocha na Scéime Éadaí agus Coisbhirt don Scoilbhliain Nua:
    a.     ní féidir measúnú a dhéanamh ar aon ioncam a fhaightear mar Íocaíocht do Theaghlaigh i bhFostaíocht (WFP), ar ar tugadh Forlíonadh Ioncam Teaghlaigh (FIS) roimhe seo, nó Díbhinn Teaghlaigh um Fhilleadh ar Obair (BTWFD). Mar sin féin, ba cheart aon ioncam ó thuilleamh a mheasúnú faoi ghnáthrialacha SWA;
    b.    ní chuirtear ioncam a fhaightear trí dheontais Ardoideachais san áireamh don tástáil;
    c.     maidir leis an tuilleamh ón fhostaíocht de chineál athshlánúcháin, déantar neamhaird ar €120 den tuilleamh sin chun críocha na scéime Éadaí agus Coisbhirt don Scoilbhliain Nua.
     
    Teorainneacha Ioncaim
    Teorainneacha ioncaim do lánúineacha 2019

    Lánúin le
    Teorainn Ioncaim
    1 leanbh amháin
    €600.70
    2 leanaí
    €637.70
    3 leanaí
    €674.70
    4 leanaí
    €711.70*
    *Méadaítear an teorainn ioncaim faoi €37.00 i ndáil le gach aon leanbh cleithiúnach breise.

    Teorainneacha ioncaim do thuismitheoirí aonair 2019

    Tuismitheoir Aonair le:
    Teorainn Ioncaim
    1 leanbh amháin
    €435.30
    2 leanaí
    €472.30
    3 leanaí
    €509.30
    4 leanaí
    €546.30*
    *Méadaítear an teorainn ioncaim faoi €37.00 i ndáil le gach aon leanbh cleithiúnach breise.
    Caomhnóirí
    Is íocaíocht cháilitheach iad íocaíochtaí Caomhnóra don BSCFA. Níl an Íocaíocht Caomhnóra (Ranníocach agus Neamh-ranníocach araon) ináirithe don tástáil.
    Sochar Máithreachais agus Sochar Uchtaíoch
    Is íocaíochtaí cáilitheacha iad Sochar Máithreachais agus Sochar Uchtaíoch nuair nach bhfuil aon mhéadú i bhfeidhm i ndáil le híocaíocht linbh cháilithe (IQC), faoi réir coinníollacha eile na scéime a bheith á gcomhlíonadh.
    Dícháiliú
    Páistí altrama
    Níl an BSCFA iníoctha i ndáil le leanaí altrama. Clúdaítear leis an tacaíocht airgeadais atá ar fáil do thuismitheoirí altrama ó Tusla - an Ghníomhaireacht um Leanaí agus an Teaghlach (Liúntas Cúram Altramais), cúnamh le costas éadaí agus coisbhirt don leanbh altrama.
    Struchtúr na Rátaí
    Tá dhá ráta íocaíochta ann agus tá siad bunaithe ar aois.
    Is é an liúntas a íoctar i leith gach linbh incháilithe atá idir 4-11 bhliain d'aois ar nó roimh an 30 Meán Fómhair 2019 ná €150.00.
    Is é an liúntas a íoctar i leith gach linbh incháilithe atá idir 12-22 bhliain d'aois ar nó roimh an 30 Meán Fómhair 2019 ná €275.00. Caithfidh leanaí atá idir 18 agus 22 bhliain d'aois filleadh ar an oideachas Dara Leibhéal lánaimseartha i scoil nó i gcoláiste aitheanta.
    Tá na rátaí leagtha amach sa bhileog eolais ar an leabhrán Rátaí Íocaíochta SW 19

     
    CUID 2: IARRATAS, MEASÚNÚ AGUS GNÁSANNA CINNIDH
    Féach ar an gcuid bhainteach in An Scéim um Liúntas Leasa Forlíontach

     
    IARSCRÍBHINN A - Íocaíochtaí Cáilitheacha don Scéim Éadaí agus Coisbhirt don Scoilbhliain Nua
    Íocaíochtaí Árachais Shóisialaigh
    1.     Sochar Banchéile Thréigthe
    2.     Sochar Breoiteachta
    3.     Sochar Míthreorach
    4.     Sochar Cúramóra
    5.     Sochar Sláinte agus Sábháilteachta
    6.     Pinsean Easláine
    7.     Sochar Díobhála
    8.     Pinsean Stáit (Ranníocach)
    9.     Sochar Cumais Pháirtigh
    10.  Sochar Cuardaitheora Poist
    11.  Pinsean Ranníocach Baintrí, Baintrí Fir nó Páirtnéara Shibhialta Mharthanaigh
    12.  Íocaíochtaí Caomhnóra (Ranníocach)
    13.  Sochar Máithreachais
    14.  Sochar Uchtaíoch
    Íocaíochtaí Cúnaimh Shóisialaigh
    15.  Pinsean Dall
    16.  Liúntas Cúramóra
    17.  Liúntas Banchéile Thréigthe
    18.  Liúntas Míchumais
    19.  Íocaíocht do Theaghlaigh i bhFostaíocht
    20.  Cúnamh Feirme
    21.  Pinsean Stáit (Neamh-ranníocach)
    22.  Íocaíocht Theaghlaigh Aontuismitheora
    23.  Liúntas Leasa Forlíontach
    24.  Liúntas Cuardaitheora Poist
    25.  Pinsean Neamh Ranníocach Baintrí, Baintrí Fir nó Páirtnéara Shibhialta Mharthanaigh
    26.  Íocaíocht Caomhnóra (Neamh-Ranníocach)
    Íocaíochtaí Eile
    27. Sochar Slándála Sóisialta ó thír faoi rialú Rialachán an AE agus lena bhfuil Comhaontú Déthaobhach Slándála Sóisialaí déanta leis ag Éirinn (dá bhfuil íocaíocht dá coibhéis in Éirinn) 28. Íocaíochtaí le rannpháirtithe maidir le socrúchán oibre ceadaithe nó scéimeanna tacaíochta ioncaim. Áirítear leo siúd Díbhinn Teaghlaigh um Fhilleadh ar Obair, Scéim Tacaíochta Fostaíochta don Aos Óg, Fostaíocht Phobail, Clár Seirbhísí Pobail, Tús, Tairseach, Liúntas Fiontraíochta Gearrthréimhseach, Liúntas Fiontraíochta um Fhilleadh ar Obair, Tionscnamh Post, Ógtheagmháil, Scéimeanna Sóisialta Tuaithe agus an Tionscnamh Springboard.
    29. Íocaíochtaí le rannpháirtithe ar chúrsa oideachais nó oiliúna aitheanta ar nós Scéim Deiseanna Oiliúna Gairmoideachais (SDOG) nó Liúntas chun Filleadh ar an Oideachas;
    30. Liúntas i leith Costas Laethúil
    31. Rannpháirtithe ar scéimeanna oiliúna lánaimseartha neamhcheardaíochta de chuid SOLAS/FÁS, CERT, agus scéimeanna oiliúna LES
Last modified:29/07/2019
 

 Foirmeacha Iarratais

 
 

 Íoslódáilí