Conas a cháilítear le haghaidh saorthaistil?


Print page

Má theastaíonn uait cáiliú le haghaidh saorthaistil agus Pas Saorthaistil a fháil, is gá duit a bheith i do chónaí go buan sa Stát agus a bheith 66 bliain d'aois nó níos sine.

Má tá tú faoi bhun 66 bliain d'aois agus i do chónaí go buan sa Stát seo, beidh tú i dteideal Pas Saorthaistil a fháil má chomhlíonann tú ceann ar bith de na ráitis seo a leanas thíos leat:

  • Faigheann tú ceann amháin de na híocaíochtaí seo a leanas:
    • Pinsean Easláine,
    • Pinsean na nDall,
    • Liúntas Míchumais,
    • Forlíonadh Éagumais nó Cúiteamh Oibrithe in éineacht le Pinsean Míthreorach, ar feadh 12 mhí ar a laghad,
    • Liúntas Cúramóra, (is féidir leat pas stádais shingil amháin a fháil, má tú tú faoi bhun 66 bliain d'aois),
    • Íocaíocht easláine leasa shóisialaigh nó íocaíocht chomhchosúil ar feadh 12 mhí ar a laghad, ó thír atá cuimsithe faoi Rialacháin an CE nó ó thír a bhfuil Comhaontú Déthaobhach Leasa Shóisialaigh ag Éirinn léi. Féach thíos chun sonraí a fháil.
  • Tá tú mar chúramóir sainithe ag duine a fhaigheann Liúntas Síorfhreastail nó Liúntas Gaolta Forordaithe ón Roinn seo (is féidir leat pas stádais shingil amháin a fháil, má tá tú faoi bhun 66 bliain d'aois),
  • Más dall tú, nó má tá amharc fíor-lag agat agus má shásaíonn tú na coinníollacha leighis le haghaidh Phinsean na nDall,
  • Is baintreach, baintreach fir nó páirtnéir sibhialta marthanach thú idir 60 agus 65 bliain d'aois, bhí Pas Saorthaistil ag do chéile nó do pháirtnéir sibhialta nach maireann nuair a fuair sé/sí bás agus bhí sibh in aontíos le chéile go buan. Sa chás seo, is gá duit a bheith ag fáil ceann amháin de na híocaíochtaí seo a leanas:
    • Pinsean Ranníocach Baintrí, Baintrí Fir nó Páirtnéara Shibhialta Mharthanaigh,
    • Pinsean Neamh-ranníocach Baintrí, Baintrí Fir nó Páirtnéara Shibhialta Mharthanaigh,
    • Íocaíocht Teaghlach Aontuismitheora,
    • Pinsean Baintrí, Baintrí Fir no Páirtnéara Shibhialta Mharthanaigh faoin Scéim um Shochair Dhíobhálacha Ceirde,
    • íocaíocht chomhchosúil leasa shóisialaigh ó thír atá cuimsithe faoi Rialacháin an CE, nó ó thír a bhfuil Comhaontú Déthaobhach Leasa Shóisialaigh aici le hÉirinn. (Féach thíos chun sonraí a fháil),
    • Gnáthphinsean Baintreach Garda ón Roinn Dlí, Cirt agus Athchóirithe Dlí.

 

Is iad na tíortha atá cuimsithe faoi Rialacháin an CE nó faoi Chomhaontú Déthaobhach ná:
  • An Bheilg
  • An Bhulgáir
  • An Chipir
  • An Chróit
  • An Danmhairg
  • An Eastóin
  • An Eilvéis
  • An Fhionlainn
  • An Fhrainc
  • An Ghearmáin
  • An Ghréig
  • An Iodáil
  • An Iorua
  • An íoslainn
  • An ísiltír
  • An Laitvia
  • An Liotuáin
  • An Ostair
  • An Pholainn
  • An Phortaingéil
  • An Ríocht
  • An Rómáin
  • An Spáinn
  • An tSlóivéin
  • An tSlóvaic
  • An tSualainn
  • An Ungáir
  • Aontaithe
  • Éire
  • Lichtinstéin
  • Lucsamburg
  • Málta
  • Poblacht na Seice
Last modified:16/02/2015
 

 Foirmeacha Iarratais

 
 

 Íoslódáilí