Íocaíocht faoi réir thástáil maoine is ea an Liúntas Cúramóra do chúramóirí atá ag tabhairt aire do dhaoine áirithe a bhfuil cúram agus aire lánaimseartha de dhíth orthu. Má tá tú ag fáil íocaíocht leasa shóisialaigh eile agus má tá cúram agus aire lánaimseartha á dtabhairt agat do dhuine éigin d'fhéadfadh sé go gcáileofá le haghaidh ráta íslithe de liúntas an chúramóra de bhreis ar d'íocaíocht bhunaidh.
Íocaíocht is ea Sochar Cúramóra do dhaoine a bhfuil ranníocaíochtaí árachais shóisialaigh déanta acu agus a d'fhág an lucht oibre le deireanas chun aire a thabhairt do dhuine éigin a bhfuil cúram agus aire lánaimseartha de dhíth orthu. Féadfaidh tú Sochar Cúramóra a fháil go ceann dhá bhliain i gcás gach duine a bhfuil cúram á thabhairt di/dó. Féadfaidh tú a bheith cáilithe le haghaidh sos cúramóra.
Íocaíocht bhliaintúil is ea an Deontas Chúram Sosa do chúramóirí lánaimseartha a thugann aire do dhaoine áirithe a bhfuil cúram agus aire lánaimseartha de dhíth orthu. Déantar an íocaíocht beag beann ar acmhainn an chúramóra ach tá coinníollacha áirithe i gceist.
Íocaíocht mhíosúil de réir tástála acmhainne is ea an Liúntas Chúram Baile a riarann FSS agus a thugtar do chúramóir leabh faoi mhíchumas trom atá ina c(h)ónaí sa bhaile.